30 سال ب سه‌ر كۆچا ملیۆنى را ده‌رباز بوون

به‌رى 30 سالان وه‌كو ئه‌ڤرۆ ل 29/3/1991 خه‌لكێ هه‌رێما كوردستانێ ژبه‌ر سته‌م و زۆردارییا رژێما به‌عسا ژناڤچوویى ب كۆم قه‌ستا سنۆرێن باكور و رۆژهه‌لاتێ كوردستانێ كر و ب كۆچا ملیۆنى هاته‌ نیاسین، ئه‌و ره‌ڤا مه‌زن وه‌كو وه‌رچه‌رخانه‌كێ بوو د دیرۆكا بزاڤا رزگاریخوازا گه‌لێ كوردستانێ دا و وه‌كر كو چڤاكا ناڤده‌وله‌تى د هانا گه‌لێ كوردستانێ بهێت و جڤاتا ئاساییشێ بریار داى ده‌ڤه‌را دژه‌فرینێ ل سه‌ر هێلا 36 بهێت دانان و ئه‌و یه‌ك بۆ ئه‌گه‌ر ئارامى ل كوردستانێ دروست بیت و حكومه‌ت و په‌رله‌مانێن كوردستانێ بهێن دامه‌زراندن، هه‌تا هه‌رێما كوردستانێ ئه‌ڤرۆ گه‌هشتیه‌ ڤى ئاستێ سیاسى و ئابوورى و جڤاكى یێ نها.

خانى نیوز، ئاریان به‌روارى