نێچیرڤان بارزانی: خۆشحالبووم ب دیدارا هه‌ڤالێ من سەرۆك ئیمانوێل مەكرۆنى

کۆمبوونا سەرۆکێ هەرێما کوردستانێ و ئیمانوێل ماکرۆنێ، سەرۆکێ فرەنسا ب دووماهى هات، سەرۆکێ هەرێما کوردستانێ د توویته‌كێ دا گۆت، من سوپاسییا خوه بۆ هاریكارییا بەردەوام یا فرەنسا بۆ هەرێما كوردستانێ دووپاتكرییه‌، ھەروەسا پەیوەندییێن دووقۆلى و ئاریشێن نوكه‌ یێن ئێراقێ و ڤێ ده‌ڤه‌رێ هاتنه‌ گوتۆبێژ كرن.
سەرۆکێ هەرێما کوردستانێ د توویتا خوه‌ دا دا ئاماژە ب هندێ كرییه‌، خۆشحالبووم ب دیدارا هه‌ڤالێ من سەرۆك ئیمانوێل مەكرۆنى ئەڤرۆ ل پاریس، من سوپاسییا خوه‌ بۆ هاركارییا بەردەوام یا فرەنسا بۆ هەرێما كوردستانێ دووپات كرییه‌.
کۆمبوونا ئه‌ڤرۆ یا کۆچكا ئیلیزێ، دیدارا چارێ یا ماکرۆنى و نێچیرڤان بارزانی بوویه‌، د ده‌مێ كێمتر د چار سالان دا، کو سێ جاران ل پاریس و جاره‌كێ ژى ل بەغدا بوویە.