<h3><span style="font-size: 18pt;">ل سهر راسپاردا سهرۆكێ حكومهتا ههرێما كوردستانێ تهرمێ چار وهلاتیێن كورد ژ ئهورۆپا دێ بۆ ههرێمێ هێنه ڤهگهراندن.</span></h3> <h3><span style="font-size: 18pt;">ئۆفیسا سهرۆكێ حكومهتا ههرێما كوردستانێ ل سهر پرسا گیان ژدهستدانا ههژمارهكا وهلاتیێن رۆژئاڤایێ كوردستانێ ل كرواتیا راگههاند، جهێ داخێ یه چار پهنابهرێن كورد یێن رۆژئاڤایێ كوردستانێ ژ ئهنجامێ روودانهكا هاتنوچوونێ ل وهلاتێ كرواتیا گیانێ خوه ژدهست دا و ههژمارهكا دى برینداربوون.</span></h3> <h3><span style="font-size: 18pt;">دیار ژى كرییه، پرسه و سهرهخوهشییان ئاراستهى مالبات و كهسوكارێن قۆربانییان دكهن و هیڤیا زوو چارهسهربوونێ بۆ برینداران خواست، ل سهر راسپارده و ئهركێ مهسروور بارزانى، سهرۆكێ حكومهتا ههرێما كوردستانێ تهرمێ وان چار پهنابهران دێ بۆ ههرێما كوردستانێ هێته ڤهگهراندن و د دووڤ دا دێ بۆ رۆژئاڤایێ كوردستانێ هێنه ڤهگۆهاستن و ل دهڤهرا وان هێنه ڤهشارتن.</span></h3> <h3><span style="font-size: 18pt;">ل رۆژا 22ی ئادارا ئهڤساله ژ ئهنجامێ وهرگهریانا بارههلگرهكێ ل رۆژههلاتا كرواتیا كو پهنابهران تێدا خوه ڤهشارت بوو، چار پهنابهرێن كورد گیانێ خوه ژدهست دا و 10ێن دى برینداربوون.</span></h3>
