رۆژناما لاگازیتا دیللۆ سپۆرت یا ئیتالی دیار كریه، هه‌ردو یانێن یوڤێنتوس و ئه‌نترمیلان یێن ئیتالى هه‌ڤركیێ لسه‌ر ڤه‌گۆهاستنا یاریكه‌رێ ئه‌رجه‌نتینى ئه‌گوێروى دكه‌ن، ئه‌ڤ چه‌نده هات پشتی مانچسته‌ر ستی راگه‌هاندی، كو ل دووماهیا ڤی وه‌رزی ئه‌و هێرشبه‌ره دێ وێ یانێ بجهـ هێلیت.
هه‌روه‌سا وێ رۆژنامێ گۆتییه، یانا یوڤێنتۆس دڤێت ب كرینا ئه‌گوێروی هێلا هێرشبه‌ریێ ب هێز بێخیت، دیسان راهێنه‌رێ وێ یانێ ئه‌نتونیو كونتی دڤێت ب ڤه‌گۆهاستنا ئه‌گوێروی هێلا هێرشبه‌ریێ ب هێز بێخیت ل گه‌ل یاریكه‌ران رۆمێلو لوكاكوی و لاوتارو مارتینێزی.
وێ رۆژناما ئیتالی دیار كرییه ژى، كو یانا یوڤێنتۆس و ئه‌نترمیلان بۆ ڤه‌گوهاستنا ئه‌گوێروی دێ هه‌ڤركییا بارسێلۆنا و پاریس سانجێرمانێ كه‌ن، ژبه‌ركو ئه‌و یانه ژی گرنگیێ ب شیانێن وى هێرشبه‌رى دده‌ن.
