زانكۆیا دهۆكێ یا داخازا راوستاندنا ده‌وامێ دكه‌ت

سه‌رۆكاتیا زانكۆیا دهۆكێ داخازكریه‌ پرۆسێسا خواندنێ بهێته‌ راوستاندن و ب تنێ خواندن وه‌ك پێشتر ئۆنلاین بهێته‌ خواندن.

پ.د.مسلح دهۆكى، سه‌رۆكێ زانكۆیا دهۆكێَ ئه‌ڤرۆ رۆژا سێ شه‌مبى 30/3/2021 تایبه‌ت بۆ خانى نیۆز گۆت: مه‌ پێشنیار بۆ وه‌زاره‌تا خواندنا بلند بلندكریه‌ كو پرۆسێسا خواندنێ ل زانكۆیا بهێته‌ راوستاندن بۆ ماوێ دوو حه‌فتیان ژ به‌ر په‌ژیكا كۆرۆنایێ و خواندن ب تنێ بیته‌ ئۆنلاین.
سه‌رۆكێ زانكۆیا دهۆكێ گۆتژى: هه‌مى رێكارێن خوه‌ پاراستنێ ل زانكۆیان دهێنه‌ جێبه‌جێكرن لێ مه‌ترسى ل سه‌ر گیانێ مامۆستا و قوتابیان هه‌یه‌ و ساخله‌مى یا مامۆستا و قوتابیان ژ هه‌ر تشته‌كى بۆ مه‌ گرنكتره‌ و كۆنترۆل هاتییه‌كرن لێ مه‌ترسى یا به‌لاڤ بوونێ هه‌یه‌.
سه‌رۆكێ زانكۆیێ ئه‌و ژى گۆت: ئه‌ڤه‌ ب تنێ بۆ خواندنێ بۆ تاقیكرنا وه‌ك سالا بورى ب راپۆرت نابیت به‌لكو هه‌مى دێ تاقیكرنا ل هۆلێن ئه‌زموونان كه‌ن.

خانى نیۆز، سالار محه‌مه‌د دۆسكى