ساخله‌میيا هه‌رێمێ: د ڤێ ره‌وشێ دا دێ قه‌ده‌غه‌یا هاتنوچوونێ راگه‌هینین

په‌یڤدارێ وه‌زاره‌تا ساخله‌میا هه‌رێما كوردستانێ ئاشكرا كریه‌ ، ئه‌گه‌ر پابه‌ند بوون ب رێكارێن خوپاراستنێ وه‌ك پێدڤى نه‌بیت، قه‌ده‌غه‌یا هاتنوچوونێ ئێكه‌ ژ ئه‌گه‌ران.

د. ئاسۆ حوێز‌ى، په‌یڤدارێ وه‌زاره‌تا ساخله‌میێ د هژمارا خوه‌ یا تۆرا جڤاكى یا فه‌یسبۆكێ نڤێسیه‌، ئه‌گه‌ر پابه‌ند‌بوون ب رێكارێن خوه‌پاراستنێ وه‌ك پێدڤی نه‌بیت دێ قه‌ده‌غه‌یا هاتنوچوونێ دگه‌ل هه‌ماهه‌نگییا لایه‌نێن په‌یوه‌ندىدار ئێكه‌ ژ ئه‌گه‌ران بیت، ئه‌گه‌ر گشتى ژى نه‌بیت ره‌نگه‌ سنورداربیت.

په‌یڤدارێ وه‌زاره‌تا ساخله‌میێ داخاز ژ هه‌مى لایه‌نان كر كو هاریكاربن بۆ بوراندنا ڤێ ره‌وشا دژوار، بریارێن لژنا بلند وه‌ك خوه‌ جێبه‌جێ بكه‌ن ، هه‌تا نه‌گه‌هینه‌ قۆناغا كه‌ره‌نتنه‌كرنا گشتى یان سنوردار.