سەرۆکوەزیرێن ئێراقێ ل هژمارا خوه یا تایبەت ل تۆرا جڤاكى یا تویتەرى به‌لاڤكرییه، د کۆمبوونا ئه‌ڤرۆ یا جڤاتا وەزیرێن ئێراقێدا به‌حسێ وان ئاسته‌نگان هاته كرن یێن دبنه ئه‌گه‌رێ پێشكه‌فتنا وه‌لاتى، ب ئه‌گه‌رێ سروشتێ ڤێ ره‌وشێ، پێدڤى ب هەماهەنگی و هه‌ڤکارییا هەموویان هەیە بۆ هندێ ل سه‌ر زال بین.
مسته‌فا كازكى گۆت ژى: هیڤى خوازین هه‌موو لایه‌ن دوور بكه‌ڤن ژ موزایەداتێن بابەتێ بهایێ دۆلارى بەرامبەر دینارى، چونکى ئەڤ بابەتە ژ ئالییێ بانکا ناڤەندیڤه بریار ل سه‌ر هاتییه دان و ل دووڤ دیتنه‌كا ستراتیژی یا ئامانجدار بوویە.
کازمی گۆت ژى، ئەڤ بریارا بانکا ناڤەندی وه‌کرییه كو یەدەگێ بانکا ناڤەندی گەشێ ب خوه‌ڤه ب بینیت، ڤێ چه‌ندێ ئێراق برییه ئاستێ وان ده‌وله‌تێن جۆره‌كێ دلرحه‌تییێ تێدا.
ناڤهاتى گۆت ژى: پێدڤییه هەموو وەزارەت ب هەموو شیانین خوه‌ڤه كار بكه‌ن، بۆ پشته‌ڤانییا وەزارەتا بازرگانی بۆ هندێ پسولا خوارنێ ب سه‌ر وه‌لاتییاندا بهێته دابه‌شكرن و دەرفەت ب هنده‌ك بازرگانان نه‌هێته دان بۆ هندێ مفاى ژ گرانكرنا پێدڤیێن وه‌لاتییان دا وه‌ربگرن.
