عەلی تەتەر: مه‌ترسییا كۆرۆنایێ ژ یا داعشێ زێده‌تره‌

ئەڤرۆ د کۆنگرەیەکێ ڕۆژنامەڤانی دا عەلی تەتەر پاڕێزگارێ دهۆکێ ڕاگەهاند، ئەو دێ رێنماییێن وەزارەتا ساخلەمییێ وەکی خوه‌ جێبەجێکەن، پارێزگارێ دھوکێ گۆت ل دووڤ رێنماییان رێستورانت، کافی، مارکێت، مول، ژ دەمژمێر 9:00 شەڤ هه‌تا 6:00 سپێدێ دێ ھێنە دائێخستن.

عەلی تەتەر گۆتژی، ھەر کەسێ ماسکێ ل جھێن گشتی و د ناڤا ترومبێلان دا نە کەتە بەرخوه‌ دێ ب 20 هزار دیناران ھێتە سزادان

ناڤبری ڕاگەهاند ژی، كو هولێن لەشجوانیێ و داوات و تازییان دێ هێنە گرتن و دیاركر ژى كو هەرکەسەکێ تازیێ بدانیت دێ هێتە سزادان، مەرەم ژ گرتنا هولێن داواتا بۆ وێ چەندێ یە کو داوات نەهێنە کرن و هەر باخچەیەکێ داوات تێدا بهێتە کرن دێ خودانێ باخچەی هێتە سزادان.

ل داویێ عەلی تەتەر، داخاز ژ کرێداران کر کو هاریکارییا کرێچیێن خوه‌ بکەن د ڤان ره‌وشاندا.

گۆت ژی، بریار ژ ئەڤرۆ دێ کەڤنە د وارێ جێبەجێکرنێ دا و مه‌ دڤێت خه‌لك بزانن كو مه‌ترسییا كۆرۆنایێ ژ مه‌ترسیێن تیرۆرستێن داعشێ زێده‌تره‌

 پشتى كونگره‌یێ رۆژنامه‌ڤانى د.عەلی تەتەر، پارێزگارێ دهۆکێ ل بازارێ دهۆکێ دگەریا ژ بۆ هایداربوون ژ رەوشا کۆرۆنا و پێگیریا خەلکی ب رێنمایان، گۆت ئەز ب تنێ یێ هاتیم ببینم كا خەلک چەندیێ پێگیرە.