مسته‌فا کازمی دێ سەره‌دانا عه‌ره‌بستانا سعودیه‌ كه‌ت

سەرۆکوەزیرێن ئیراقێ ئه‌ڤرۆ دێ سەره‌دانا ریاز پایتەختێ ئه‌ره‌بستانا سعوودیێ كه‌ت.

مستەفا کازمی، سەرۆک وەزیرێ ئیراقێ بریاره‌ ئه‌ڤرۆ رۆژا چارشه‌مبى ب سەرۆکایەتییا هه‌ژماره‌ك ژ وه‌زیر و ئه‌ندامێن جڤاتا هاریكاریا ئیراقى ل سەر داخوازا شاهـ سەلمان بن عەبدولعەزیز، شاهێ ئه‌ره‌بستانا سعوودیێ، سەره‌دانا وى وه‌لاتى که‌ت.

حسێن عه‌لاوى، شیره‌تكارێ سه‌رۆكوه‌زیرێن ئیراقێ راگه‌هاند، سه‌ره‌دانا كازمى یا گرنگه‌ و تێدا دێ هه‌ژماره‌كا دۆسه‌یێن گرنگ دناڤبه‌را هه‌ردو ئالیان هێنه‌ گۆتۆبێژ كرن.

عه‌بدولعه‌زیز شه‌مه‌رى، بالیۆزێ سعوودیێ ل ئیراقێ راگه‌هاند، سه‌ره‌دانا مسته‌فا كازمى ل ده‌مه‌كێ گرنگ دایه‌ و هه‌ژماره‌ك دۆسه‌یێن سیاسى و ئه‌منى و ئابوورى هێنه‌ گۆتۆبێژ كرن، هه‌روه‌سا چه‌ندین رێككه‌فتنێن د وارێن جودا دا هێنه‌ ئیمزا كر‌ن.