ده‌مێ 2 رۆژایه گه‌نجه‌ك ب ناڤێ سه‌لاح حه‌سه‌ن عه‌لى یێ 16 سالى و ئاكنجییێ ناحیا كه‌له‌كچى یا سه‌ر ب قه‌زا شێخان ڤه بێ سه‌روشوونه.
بابێ سه‌لاحىبۆ خانى نیوز راگه‌هاند، دوهى پشتى ڤه‌گه‌ریانا وى ژ تاقیكرنێ كورێ وى ژ مال ده‌ركه‌فتییه و تا نها دیار نینه.
گۆت ژى، د كامیرێن چاڤدێرییێ دا دیاربوویه ئه‌و ژ ناحیا كه‌له‌كچى ده‌ركه‌فتییه و ل نێزیكى ناحیا رووڤیا هاتییه دیتن و چ پاره‌یه‌ك یان به‌لگه‌یه‌كێ فه‌رمى دگه‌ل خوه نه‌برییه.
دیار ژى كر، وان چ ئاریشه دگه‌ل چ كه‌سان نینن و چ گۆمان ژى ل سه‌ر كه‌سێ نینن و د نها دا هه‌ژماره‌كا مه‌زن یا خه‌لكێ ناحیا كه‌له‌كچى دگه‌ل پۆلیسان مژوولى لێگه‌ریانا وى نه.
خانى نیوز، ویداد ئه‌حمه‌د
