رفعەت سمۆ: کورت و کورمانج حکومەتا ئیراقێ نەشێتە پەکەکێ

هاریکارێ پارێزگارێ مووسلێ بۆ کاروبارێن ئیداری ددەتە دیارکرن، هەما ب کورت و کورمانج حکومەتا ئیراقێ ئەو شیانە نینن پەکەکێ ژ شنگالێ دەربێخت.

رفعەت سمۆ بۆ خانی نیوز گۆت: پەکەکێ مەرجێ ددانێتە بەر حکومەتا ئیراقێ هەتا کو ئاڵایێ خوه‌ دانێت ئەو ژی 700 کەسی ل سەر ئاسایشا نیشتیمانی دابمەزرینت، حکومەتا ئیراقێ ژی ئەڤێ یەکێ ب زەحمەت دبپینت ژبەرهندێ ژی ئەڤ ڕیککەفتنە هەلاویستیە ماییە.

سمۆ، ڕیککەفتنا دەرکەفتنا هێزێن نایاسایی ب ڕیڤەچوونا (کیسلەیی) وەسف دکەت و دبێژیت، ئەڤ ڕیڤه‌چوونە وەکی ڕیڤەچوونا کیسلەییە و هەتا نها ئەو هێزە د شنگالێ دانە.

ئەڤە چەندین جارانە سوپایێ ئیراقێ دووماهیک ژڤان ددەنە ‌هێزێن سەر ب پەکەکی ڤە کو شنگالێ ب جهـ بهێلن بەڵی پەکەکە دەرناکەڤیت، و ئەڤە ژی ل گۆر ڕیککەفتنەکێ کو ل ئۆکتۆبەرا ساڵا 2020ـێدا هاتبوو کرن، پێدڤییە هێزێن نایاسایی ژ شنگالی دەرکەڤن، ڕیککەفتن ژی د ناڤبەرا حکومەتێن ئیراقێ و هەرێما کورستانێ دا هاتبوو ئیمزاکرن.

خانی نیوز، کاروان باعەدری