<h3 style="text-align: justify;"><span style="font-size: 18pt;">ل دووڤ گۆتنا بەرپرسێن وەزارەتا ئەوقاف و کاروبارێن ئایینی و ئێکەتیا مامۆستایێن کوردستانێ پتر ژ 160 مامۆستایان ھەتا نھا ب کۆرۆنایێ وەغەرکریە.</span></h3> <h3 style="text-align: justify;"><span style="font-size: 18pt;">ئەحمەد گەرمیانی، سەرۆکێ ئێکەتیا مامۆستایێن کوردستانێ، بۆ خانی نیوز ئاشکرا کر، ھەتا نھا ل سەرانسەری کوردستانێ پتر ژ 60 مامۆستایێن سەر ب وەزارەتا پەروەردێ ڤە ل قۆناغێن جودا وەغەرا داویێ کریە، بۆ پاراستنا گیانێ مامۆستا ل گەل د. سامان بەرزنجی، وەزیرێ ساخلەمیێ ئاخفتینە و داخاز کریە ڤاکسین ل سەر مامۆستا بھێتە بەلاڤەکرن، تایبەت مامۆستایێن ب تەمەن و نەخۆشیێن دۆمدرێژ ھەین و تایبەت مامۆستایێن پۆلا دوازدێ، وەزارەتا ساخلەمیێ ژی سۆز دایە ھاریکاریا مامۆستان بکەت.</span></h3> <h3 style="text-align: justify;"><span style="font-size: 18pt;">ژئالیێ خوەڤە نەبەز کەمال، پەیڤدارێ وەزارەتا ئەوقاف و کارۆبارێن ئایینی، بۆ خانی نیوز ئاشکراکر، ھەتا نھا پتر ژ 100 مامۆستایێن ئایینی ل سەرانسەری ھەرێمێ ب کۆرۆنایێ وەغەر کریە، بۆ پاراستنا گیانێ مامۆستا دەرگەھێن مزگەفت و جھێن ئایینی بۆ دەمێ ١٠ رۆژان ھاتینە گرتن.</span></h3> <h3 style="text-align: justify;"><span style="font-size: 18pt;">نەبەزی ئەو ژی دیارکر کو پێگیری ب رێنمایێن خوەپاراستنێ ھەتا ئاستەکێ باش مامۆستایێن ئایینی بجھئیناینە و ھندەکا بجھـ نەئیاینە لێ رێژەکا کێم بوویە.</span></h3> <h3 style="text-align: left;"><span style="font-size: 18pt;">خانی نیوز، سالار محەمەد دۆسکی:</span></h3>
