كازمى: كاك مه‌سعوود برایێ منه‌ و نێچیرڤان بارزانى نێزیكترین هه‌ڤالێ منه‌

سەرۆکوەزیرێن ئیراقێ راگه‌هاند؛ سەرۆك بارزانی برایه‌ و سەرۆکێ هەرێما کوردستانێ نێزکترین هه‌ڤاله‌‌، ل نێزیكترین ده‌م دێ سه‌ره‌دانا هەولێرێ كه‌ت.

مستەفا کازمی سەرۆکوەزیرێن ئیراقێ د دیداره‌كێ دا بۆ رۆژناما (شەرق ئه‌ل-ئەوسەت) یا سعوودی راگه‌هاند؛ په‌یوه‌ندیێن وى دگه‌ل سه‌ركردێن هه‌رێمێ د نوو نینن، په‌یوه‌ندیێن ئه‌وان بتنێ گرێدایى بودجه‌ى نینن‌، به‌لكو گرێداى ب هه‌موو بوارێن به‌رفره‌هكرنا هه‌ماهه‌نگى و پێكڤه‌ كاركرن د ناڤبه‌را سه‌ركردایه‌تیا هه‌رێمێ و حكومه‌تا فیدرال دا.

مستەفا کازمی دیار ژى كر؛ په‌یوه‌ندیێن به‌رده‌وام دگه‌ل برا و هه‌ڤال، سه‌رۆك مه‌سعوود بارزانى و نێچیرڤان بارزانى، سه‌رۆكێ هه‌رێما كوردستانێ هه‌نه‌، به‌رده‌وام نێچیرڤان بارزانى و مه‌سروور بارزانى، سه‌رۆكێ حكومه‌تا هه‌رێمێ ب نێزیكترین هه‌ڤال دزانیت.

کازمی بۆ رۆژنامه‌یا (شەرق ئه‌ل-ئەوسەت) ئاشكه‌راكر؛ ب مه‌ره‌ما هه‌لبژارتنێن پێشوه‌خت د ده‌مه‌كێ نێزیك دا دێ سه‌ره‌دانا پارێزگه‌ها هه‌ولێرێ كه‌ت.