کۆمپانیا ئێل جى (LG) یا به‌رهه‌مئینانا ئامیرێن ئه‌لكترۆنى و كاره‌بایى ب ته‌مامى ده‌ست ژبه‌رهه‌مئینانا موبایلا راگه‌هاند، چونكى ئه‌وێ پشكا به‌رهه‌مئینانێ به‌رده‌وام زیان ڤێكه‌فتیه و چ قازانج بۆ كومپانیێ نه‌بوویه.
ڤى ره‌نگى کۆمپانیا ئیل جی دێ بیته ئێكه‌م كومپانیا تایبه‌تا به‌رهه‌م ئینانا كاره‌بایى و كه‌ره‌ستێن ئه‌لكترۆنى كو ب فه‌رمى ل بازارێ مۆبایلا ڤه‌كێشانا خوه ژ بازارى راگه‌هینیت.
د شه‌ش سالێن بووری دا لقێن به‌رهه‌مئینانا ئێل جى بۆ كومپانیێ نێزیكى 4 ملیار و 500ملیۆن دولار زیان هه‌بووینه ژبه‌ر هندێ رێڤه‌به‌رییا كومپانیێ بریار دا، دووماهیك ب به‌رهه‌مئینا موبایلا بینیت.
ئێل جى ئێكه ژ سێ مه‌زنترین كۆمپانیێن به‌رهه‌مئینانا ئامیرێن كاره‌باى و ئه‌لكترۆنی ل جیهانێ. ل سالا2013 بۆ ئێكه‌م جار مۆبایلا زیره‌ك به‌رهه‌مئینابوو.
