وەزارەتا ڕه‌وشه‌نبیری سێ به‌رنامه‌ ل سێ كه‌نالان ڕاگرتن

وەزارەتا رۆشنبیری و لاوان یا حكومەتا ھەرێما كوردستانێ ب نڤیساره‌كا  فەرمی سێ كەناڵێن تەلەڤزیۆنی ئاگه‌هدار كرینه‌ كو چەند بەرنامه‌ پێشكێش كرینه‌ و گۆتوبێژ د ناڤبه‌را بەرنامان دا دووره‌ ژ نەریتێن جڤاكى، ژ به‌ر هندێ بڕیاردا سێ بەرنامە ل سێ كەناڵان بۆ ده‌مێ حەفتيیه‌كێ بهێنه‌ راگرتن.

وەزارەتا رۆشنبیری د سێ نڤیسارێن جودا دا  بۆ سێ كه‌نالێن كوردی ئاراسته‌ كریه‌ و سێ به‌رنامه‌ راوه‌ستاندینه‌. كو ئه‌و ژی كه‌نالێ كوردماكس و به‌رنامێ شۆ مه‌گه‌زین، نێت تیڤی و به‌رنامێ نێت گرام، كۆڕەك تیڤی و به‌رنامێ نایت شۆ) ، كو ژ گۆتوبێژێن وان به‌رنامان نه‌ ژ هه‌ژینه‌ و دوورن ژ نه‌ریتێن جڤاكى، نه‌رازیبوون و سكالا ئاراسته‌یى وه‌زاره‌تا رۆشنبیرى هاتییه‌ كرن، و داواكارییا گشتى و ده‌سته‌یا مافێن مرۆڤى، ب نڤیساره‌كا فه‌رمى داخوازا راگرتنا ئه‌ڤان جۆره‌ به‌رنامه‌یان كرییه‌، كو به‌رۆڤاژى نه‌ریت و ره‌وشتێ گشتییه‌ و زیانێ ب جڤاكى و تێكدانا خێزانێ دگه‌هینیت، ژ به‌ر هندێ وان بریار دا بۆ ده‌مێ حه‌فتییه‌كێ ئه‌و به‌رنامه‌ بهێنه‌ راگرتن و پاشى پێداچوونێ د ناڤه‌رۆك و ستایلێ به‌رنامه‌یان دا بكه‌ن.