سهرۆكێ حكومهتا ههرێما كوردستانێ پێشوازى ل بالیۆزێ كۆریا باشوور ل ئیراقێ كر.
مهسرۆر بارزانى، سهرۆكێ حكومهتا ههرێما كوردستانێ ئهڤرۆ رۆژا پێنجشهمبى پێشوازى ل جانگ كیۆنگووك، بالیۆزێ كۆمارا كۆریا باشوور ل ئیراقێ كر و ههردو ئالییان پێشڤهبرنا پهیوهندیێن ههولێرێ و سیئۆل گۆتۆبێژكرن.
بالیۆزێ كۆریا باشوور بهرههڤییا وهلاتێ خوه بۆ بهێزكرنا پهیوهندییان دگهل ههرێما كوردستانێ ب تایبهتى د وارێن ئابوورى و بازرگانى و كهلتوورى و پێشكێشكرنا هاریكارییان بۆ ئاواره و پهنابهران نیشان دا.
مهسرۆر بارزانى، سهرۆكێ حكومهتا ههرێمێ سۆپاسییا هاریكاریێن كۆریا باشوور كر و ئاماژه ب دۆستایهتییا ب هێز یا دناڤبهرا ههرێما كوردستانێ و كۆمارا كۆریا باشوور دا كو ل سالێن بوورى ههژمارهكا پرۆژێن گهشهپێدانا ئابوورى ل ههرێما كوردستانێ بجهئیناینه و پشتهڤانییا خوه ژى بۆ ب هێزكرنا پهیوهندیان د ههموو واران دا دگهل وى وهلاتى دیار كر.
