سه‌رۆكێ هه‌رێمێ جه‌ژنا چار شه‌مبا سۆر ل كوردێن ئێزدى پیرۆز كر

به‌رێز نێچیرڤان بارزانى سه‌رۆكێ هه‌رێما كوردستانێ، ئه‌ڤرۆ سێشه‌مبى 13-4-2021ێ په‌یامه‌ك ب هه‌لكه‌ڤتا هاتنا سه‌ر سالا كوردێن ئێزدییان به‌لاڤكر.

سه‌رۆكێ هه‌رێما كوردستانێ راگه‌هاند، جه‌ژنا سه‌رسالا چارشه‌مبا سۆر ل هه‌موو خۆشك و برایێن مه‌ یێن ئێزدى ل كوردستانێ و جیهانێ پیرۆز دكه‌م، ب تایبه‌ت كه‌سوكارێن قوربانیێن تیرۆرێ و یێن هه‌تاكو نوكه‌ د كه‌مپان دا ژیانا خوه‌ ده‌ربازدكه‌ن.

سه‌رۆكێ هه‌رێمێ، هیڤى خواست ژى كو جه‌ژن و بیرهاتنێن بهێن د ره‌وشه‌كا باشتر دا بن و سه‌رسالا هه‌وه‌ هه‌موویان پیرۆز بیت و هه‌ر سال ب خۆشى بن.

هه‌روه‌سا ئاما ژه‌ دایه‌ هندێ، جه‌ژنا ئه‌ڤ ساله‌ ژى د ده‌مه‌كیدای ه‌ كو هه‌موو جیهان و كوردستان ژى ژ ده‌ستێن كۆڤید 19 دنالیت، هیڤیدارم هه‌ر كه‌سه‌ك یێ پیگیر بیت و رێكارێن ساخله‌مییێ ب كاربینیت.

نێچیرڤان بارزانی گۆتییه‌ ژی، ب مخابنى ڤه‌ به‌حسێ ره‌وشا گرانا ژیانا كه‌مپان كرییه‌، هێشتا چاره‌نڤیسێ پتریا دوو هزار خوشك و برایێن مه‌ یێن ئێزدى یێن ره‌ڤاندى نه‌ یادیاره‌.