سه‌رۆك بارزانی: پشته‌ڤانییا داخوازیێن خوشك و برایێن ئێزدى دكه‌م

سه‌رۆك مه‌سعود بارزانی، ب هه‌لكه‌ڤتا جەژنا سەرێ ساڵا ئایینێ ئێزیدییان چارشەمبیا سەرێ نیسانێ په‌یامه‌كا پیرۆزباهییێ ئاراسته‌كر.

ب هه‌لكه‌ڤتا هاتنا جەژنا سەرێ ساڵا ئایینێ ئێزیدییان، گەرمترین پیرۆزباهیێن خوه‌ ئاراستەى خوشك و برایێن ئێزیدی دكەم و هیڤیدارم ئەڤ هه‌لكه‌ڤته‌ دەستپێكه‌ك بێت بۆ ب دووماهی هاتنا ئێش و ئازارێن خوشك و برایێن ئێزیدی و د ئارامی و ئاشتیێ دا جەژن و هه‌لكه‌ڤتێن خوه‌ بكه‌ن.

سه‌رۆك بارزانى نیگه‌رانییا خوه‌ ده‌ربرى ژ چاره‌نه‌بوونا ره‌وشا شنگالێ و نه‌ڤه‌گه‌ریانا ئاواران و گۆتییه‌،  ئه‌و دووپاتدكه‌ته‌ڤه‌، كو ب ته‌مامى پشته‌ڤانییا ماف و داخوازیێن خوشك و برایێن ئێزدى دكه‌ت، و داخوازێ ژ وان دكه‌ت ئێكرێزییا ناڤخوه‌یى ب پارێزن و رێكێ نه‌ده‌ن ده‌نگێن لابه‌لا و نامۆ زیانێ ب گه‌هیننه‌ ماف و ئایێن و داهاتیێ وان و پێدڤى دكه‌ت هه‌موو ب ئێكگرتى ل سه‌ر ماف و داخوازیێن ره‌وایێن خوه‌ د پێگیر بن.