نێچیرڤان بارزانى سه‌رۆكێ هه‌رێما كوردستانێ، ئێڤارییا ئه‌ڤرۆ سێشه‌مبى 13-4-2021ێ ب رێكا په‌یامه‌كا ڤیدیۆیى پشكدارى د سمیناره‌كا ئه‌نستیتیۆیا جه‌كسۆن بۆ پرسێن جیهانی ل زانكۆیا یێل یا ئه‌مه‌ریكی دا كر، كو ب هاریكارییا رێكخراوا دادپه‌روه‌رى بۆ كورد ده‌رباره‌ى كوردان ل رۆژهه‌لاتا ناڤه‌راست ب رێڤه دچیت و دۆستێن گه‌لێ كوردستانێ ل ئه‌م‌ریكا، بریتانییا و فه‌ره‌نسا تێدا پشكداربوون.
ئه‌ڤ چالاكييه هه‌ڤده‌مه د گه‌ڵ بیره‌وه‌ریێن 30 ساڵییا ده‌رچوونا بڕيارا 688 یا جڤاتا ئاسايشا ناڤده‌وڵه‌تى و دامه‌رزاندنا نه‌واىه‌كا ئارام و ده‌سپێكرنا پرۆسه‌یا ده‌سته‌به‌ركرنا ئارامیێ (ئۆپه‌ريشن پرۆڤايد كۆمفۆرت) كو به‌رى 30 ساڵان بوویه، ئه‌گه‌رێ پاراستنا گه‌لێ كوردستانێ و دروستبوونا ديفاكتۆیا هه‌رێما كوردستانێ و بناغه‌يه‌ك بۆ قه‌واره‌یا ده‌ستووريیا فيدراڵی ل هه‌رێما كوردستانێ ل ئیراقێ.
په‌یاما ڤیدیۆیی یا سه‌رۆك نێچیرڤان بارزانى، په‌یاما ڤه‌كرنا كۆنفرانسى بوو كو تێدا به‌حسێ گرنگییا بریارا 688 یا جڤاتا ئاسایشا ناڤده‌وله‌تی و ره‌وانگه‌یه‌كا سه‌رانسه‌رى بۆ په‌یوه‌ندیێن هه‌رێما كوردستانێ دگه‌ل وه‌لاتێن دۆست و كۆمه‌لگه‌ها ناڤده‌وله‌تى و نوكه و داهاتییێ دۆزا گه‌لێ كورد و چاره‌سه‌ركرنا ئاریشان و داهاتییێ په‌یوه‌ندییان ل گه‌ل ئیراقا فیدرال و هه‌ڤپشك و هه‌ڤكاریكرنێ ژبه‌ر ئارامییێ و سه‌قامگیرییا ئیراقێ و ده‌ڤه‌رێ دیاركر.
