جڤاتا جێبه‌جێكارییا ئێكه‌تییا مامۆستایێن كوردستانێ پشتى 37ـه‌مین كۆمبوونا ئاساییا خوه هه‌لویستێ خوه ل سه‌ر كۆمه‌كا بابه‌تان و پرسێن گرنگ و پێدڤى ب پرۆسه‌ییا په‌روه‌ردێ و داخوازیێن مامۆستایان و كارێن رێكخراوان ئاشكراكر، پرۆسه‌یا په‌روه‌ردێ ب خراپى ل قه‌له‌م دایه و دیاركرییه ژى كو ڕاگرتن و هه‌لوه‌شاندنا سالا خواندنێ ره‌ت دكه‌ین.
جڤاتێ ئاماژه دایه ژى، كو، دڤێت ئه‌و رێكار، د ده‌می بن و ئه‌گه‌ر ره‌وشا ساخله‌مییێ به‌ره‌ڤ باشبوونێ چوو و خواندنا ناڤ پۆلێ ده‌ستپێبكه‌ته‌ڤه، هه‌روه‌سا دبیت هه‌ماهه‌نگى د ناڤبه‌را مامۆستایان و قوتابیان یا به‌رده‌وام بیت، ئه‌گه‌ر حه‌فتییه‌كێ بۆ ئێك رۆژى بیت.
ئێکه‌تییا مامۆستایێن کوردستانێ ئاماژه كرییه ژى، دڤێت قوناغێن ئێك و دوو و سێ ل به‌رچاڤ بهێته وه‌رگرتن، چونكى ئه‌و نه‌شێن وه‌كى پێدڤى مفاى ژ خواندنا ئه‌لیكترونى وه‌ربگرن، و ده‌ستهه‌لاتێ بده‌نه رێڤه‌به‌رێن په‌روه‌ردان هه‌تاكو سه‌ره‌ده‌رییه‌كا ساخله‌م دگه‌ل ئه‌وا جهان بكه‌ن كو ئینته‌رنێت نینه.
