گەلەک ئەردێ چاندنێ ھاتییە چەراندن و گەلەکێن دی ژی ھاتینە کێلان ژ بەرکو زیان گەھشتییێ ب رێژا ١٠٠%.
خدر دێوالی، ڕێڤەبەرێ نەخشەدانانێ ل ڕێڤەبەريیا گشتی یا چاندنێ تایبەت بۆ خانی نیوز ڕاگەھاند، ھەژمارەکا زۆر یا ئەردێن چاندنێ یێن دەڤەرێ ژ بەر ھشکە ساليیێ ھاتینە و چەراندن و دووبارە ھاتینە کێلان.
خدر دێوالی دیارکر، ل پارێزگەھا دھۆکێ بهرههمێن زڤستانی یێن چاندنێ پرانییا وان ل باکووری پارێزگەھی دهێنە چاندن ل قەزایێن سێمێل و شێخان و بەردەرەش و ئاکرێ چونکی کەش و ھەوایەکێ باش و دگەل ئاخەکا گۆنجایی ھەیە ژ بۆ چاندنا ڤان بهههمێن چاندنێ یێن زڤستانی کو پشبەستن ب بارانایە و ژمارا ھەرە زۆر ژ ڤی رووبەری دھێتە چاندن ب گەنمی کو نێزیکی ٦١٧,١٨٦ دونەما ژ سەرجەمێ ٩٠١,٧٢٥ دونەما ل سەرانسەری پارێزگەھێ دهێتە چاندن د ئەڤ سالەدا کێمبوونا بارانی ل سەرانسەرێ پارێزگەھێ ب گشتی و باشووری پارێزگەھی ب تایبەتی کو رێژەکا گەلەک زور کێم یا بارانان باریە کو کێمتر ژ ٢٥٠ ملم و نەھاتنا بارانان د وەرزی وەرارا بهرههمێن زڤستانی ل دەڤەرا مە کو بوویە ئەگەرێ زیانەکا مەزن گەھاندییە بهرههمێن جۆتیاران چونکو پلێن گەرمێ بلند دبن و دەمژمێرێن روناھییی زێدە دبیت و بهرههمێ رووەکی دەست ب وەراری دکەت لەورا پێدڤی ب رێژەکا زێدەیا ئاڤێ ھەیە داکو ب شێوەکی رێک و پێک وەراری بکەت، ھەژیە بێژین تاکو رێکەڤتی ١٣/٤/٢٠٢١، گەلەک رووبەر ھاتینە چەراندن و گەلەکێن دی ھاتینە کێلان ژ بەرکو زیان گەھشتییێ ب رێژا ١٠٠%.
ناڤبری گۆت ئەو دێ یاداشتنامەیەکێ ئاراستەی وەزارەتا چاندنێ و ژێدەرێن ئاڤێ کەن دا کو بەرھنگارییا ھشکە سالییێ بھێتە کرن کو ئەوژی ڤان خالان ب خوەڤە د گریت، دابینکرنا توڤێ گەنمی بۆ جۆتیارێن زیان لێکەڤتی بۆ وەرزێ بھێت، لێ خۆشبوون ژجۆتیاران ل کرێیا ئەردێ چاکسازییا چاندنێ، دابینکرنا سوندهیێن ئاڤدانێ دگەل سیستەمێن رەشاندنێ و دگەل چەندین خالێن دی کو د بەرژوەندییا جۆتیاران دایە.
