هه‌والگرییا ئه‌مریكا هۆشدارى ژ ڤه‌كیشانا هێزێن ئه‌مریكی ل رۆژئاڤایێ كوردستانێ دا

ده‌زگه‌هێ هه‌والگیرییا نشتیمانییا ئه‌مریكا د راپۆرته‌كێ دا دیاركر، هه‌كه‌ هێزێن ئه‌مریكا ل رۆژئاڤایێ كوردستانێ بهێنه‌ ڤه‌كێشان فشار ل سه‌ر كوردان دێ زێده‌تر بن.

د راپۆرتا ده‌زگه‌هێ هه‌والگیرییا نشتیمانییا ئه‌مریكا دا به‌حس ل وێ یه‌كێ هاتییه‌كرن، كورد ل ناڤا سووریێ و رۆژئاڤایێ كوردستانێ رووبروو فشارێن مه‌زن دبن.

گۆت‌ ژى‌، د ئه‌ڤساله‌ دا كوردێن رۆژئاڤایێ كوردستانێ رووبروو فشارێن مه‌زن یێن هه‌رسێ لایه‌نێن توركیا و رۆسیا و سووریا دبن و هۆشدارى ژى دان هه‌كه‌ ئه‌مریكا هێزێن خوه‌ ژ وان ده‌ڤه‌ران ڤه‌كێشیت فشار ل سه‌ر كوردان دێ زێده‌تر بن.

ئاماژه‌ ب وێ یه‌كی ژى دایه‌، هێزێن ئه‌مریكا ل سووریێ رووبرووو هێرشێن ئیرانێ و سووریێ و گرۆپین چه‌كدار یێن نێزیك ژ سووریێ و ئیرانێ دبن.