پرۆفیسۆر د. مستەفا موسلیم محەممەد، زانایێ ئایینیێ ئیسلامی و مامۆستایێ زانکۆیا (ئەلزەهرا) پشتى تووشبوونێ ب ڤایرۆسێ کۆرۆنایێ گیانێ خوه ژ دەستدا.
ئەڤڕۆ شەمبى، 17ی نیسانێ 2021 پرۆفیسۆر د. مستەفا موسلیم محەممەد، زانایێ ئایینێ ئیسلامێ و مامۆستایێ زانکۆیا ئەلزەهرا و برایێ ساڵح موسیلم، ههڤسەرۆکی بهرێ یێ پەیەدە، پشتى تووشبوونێ ب ڤایرۆسێ کۆرۆنایێ د ژیێ 81 ساڵییێدا گیانی خوه ژ دەست دا.
مستەفا موسلیم، ل ساڵا 1940 ل کۆبانێ ژ دایکبوویه و ل ساڵا 1965 کۆلێژا شەریعەیێ ل شامێ تەمامكرییه، پاشى ل زانکۆیا ئەزهەرێ بڕوانامەیا ماستەرێ ب دهستڤهئینا و چهند ساڵان ژى ل سعودیێ و ئیماراتا عەرەبی وەکو مامۆستایێ زانکۆیێ کارکرییه، ل زانکۆیا شاریقە بوویه سەرۆکێ پشكا شەریعە. پسپۆڕێ تەفسیرا قورئانێ بوو.
د ڤان چەند ساڵێن دوایێ دا ل تورکیا ئاكنجى بوویه، ل باژێرێ دیلۆک سەرۆکایەتییا زانکۆیا ئەلزەهرا دکر.
