سه‌رۆك بارزانى پێشوازى ل جێگرێ هنارتیێ تایبه‌تێ ئه‌مریكا بۆ كاروبارێن سووریێ كر و هێرشا داویێ یا سه‌ر فرۆكخانه‌یا هه‌ولێرێ و گه‌ف و ترسێن تیرۆرێ گۆتوبێژ كرن.
سه‌رۆك مه‌سعوود بارزانى ئه‌ڤرۆ ل باژاركێ پیرمام پێشوازى ل دیڤید برۆنستێن كر و هه‌ردو ئالییان هێرشا داویێ یا ل سه‌ر فرۆكخانه‌یا ناڤده‌وله‌تى یا هه‌ولێرێ شه‌رمزار كر.
بارزانى و برۆنستێن به‌حس ل گه‌ف و ترسێن تیرۆرێ و هزرا توندره‌و كر و دوپاتى ل هه‌ماهه‌نگییا هه‌موو ئالییان كر بۆ به‌رهنگاربوونا تیرۆرێ، هه‌روه‌سا ره‌وشا سووریێ و پاشه‌رۆژا كوردان ل وى ولاتى گۆتوبێژ كرن و هیڤی خواستن هه‌موو ئالیێن كوردى ل سووریێ بگه‌هنه رێككه‌فتنێ.
