مه‌سروور بارزانى و دیڤید برونستێن كۆم بوون

سه‌رۆكێ حكومه‌تا هه‌رێما كوردستانێ پێشوازى ل جێگرێ هنارتیێ تایبه‌تێ ئه‌مریكا بۆ كاروبارێن سووریێ كر و داوى پێشهاتێن ئیراق و سووریێ و هه‌ماهه‌نگییا د گه‌ل هه‌ڤپه‌یمانییا ناڤده‌وله‌تى گۆتوبێژ كرن.

مه‌سروور بارزانى ئه‌ڤرۆ پێشوازى ل دیڤید براونستێن، جێگرێ هنارتیێ تایبه‌تێ وه‌زاره‌تا ده‌رڤه‌یا ئه‌مریكا بۆ كاروبارێن سووریێ كر و داوى پێشهاتێن ئیراق و سووریێ و به‌رهنگاربوونا تیرۆرێ و هه‌ماهه‌نگییا د گه‌ل هه‌ڤپه‌یمانییا ناڤده‌وله‌تى گۆتوبێژ كرن.

مه‌سروور بارزانى و براونستێن دوپاتى ل گرنگیا به‌رده‌وامبوونا پشته‌ڤانیكرنا هێزێن پێشمه‌رگه‌ى بۆ به‌رهنگاربوونا ترسێن داعشێ كر كو هێشا ئه‌و رێكخستن ترسه‌كا راستینه‌یه‌ ل سه‌ر ئیراق و سووریێ.

مه‌سروور بارزانى و براونستێن پشته‌ڤانییا خوه‌ بۆ دیالۆگا كوردى كوردى ل سووریێ دیاركر و دوپات كر كو دیالۆگ مسۆگه‌ركرنا مافێن نه‌ته‌وه‌یى یێن گه‌لێ كورده‌ د چارچووڤێ سووریێ دا.