مهسرور بارزانی، سهرۆكێ حكومهتا ههرێما كوردستانێ ب ههلكهڤتا دهربازبوونا 123 سالان ب سهر دهرچوونا ئێكهم هژمارا ڕۆژنامهیا كوردستان پهیامهكا پیرۆزباهییێ بهلاڤكرییه.
دهقێ پهیاما وى:
ب ههلكهڤتا ڕۆژا ڕۆژنامەگەرییا کوردی و دهربازبوونا 123 سالان ب سەر دەرچوونا ئێكەمین ژمارا رۆژنامەیا كوردستان، کو ههڤدهمه ل گهل سالیادا دامەزراندنا سەندیکا رۆژنامەنڤیسێن کوردستانێ، پیرۆزباهییهكا گەرم ل سەرجەم راگەهاندنکار و رۆژنامەڤانێن كوردستانێ دكەم.
ئەڤرۆ ل هەرێما كوردستانێ، بزاڤا رۆژنامەڤانی، دەرفەتهكا زێرین بۆ هاتییه رەخساندن و چوویه قۆناغهكا پێشکەڤتى، ب جۆرهكێ کو ئەڤرۆ ل هەرێما کوردستانێ، سەدان دەزگههێن هەمەجۆر یێن راگەهاندنێ هەنه و ب رهنگهكێ ئازاد کارێ خوه دكهن و حكومەتا هەرێما كوردستانێ ب شانازیڤە كاری بۆ چەسپاندنا زێدهتر یا بنەمایێن ئازادییا میدیایی و دیموكراسییێ کرییە و هەموو دهمان پەرۆشێ رەخساندنا سهقایهكێ گونجاى بوویە بۆ کارێ رۆژنامەڤانی .
قۆناغا نوكه، ژ هەموو دهمان زێدهتر پێدڤی ب رۆژنامەڤانییەكا راستەقینە و پیشەیی هەیە، لهوما پێدڤییە رۆژنامەڤانێن کوردستانێ، ب رێیا پابەندبوونێ ب قانوون و ئیتیكێن پیشەییا میدیایی، رێزێ ل كارێ خوه یێ رۆژنامەڤانی بگرن ، بۆ هندێ ب جوانترین شێوە کارێ خوه ئەنجام بدەن و بەرپرسانە مامەلێ ل گهل پیشەیێ خوه بکەن و پەیاما وان، د خزمەتا ئارمانجێن نیشتیمانی دا بیت.
د ڤێ ههلكهڤتێ دا، ب رێز و پێزانینڤە بهرێ خوه ددهینه خەبات و تێکۆشانا رۆژنامەڤانێن پێشەنگێن کوردستانێ، ئەوێن خزمەتهكا زۆر یا كاروانێ رۆژنامەڤانییا كوردی و مافێن رەوایێن گەلێ کوردستانێ كرین.
