گەنجەکێ 20 سالی ل دەمێ مەلەڤانییان د ئاڤا خازری دا ل قەزا بەردەرەشێ خەندقی.
صباح زوهیر بەرپرسی راگەهاندنا ساخلەمییا قەزا ئاکرێ بۆ خانی نیوز راگەهاند؛ هاتینە ئاگەهدارکرن کو ئەڤرۆ جەنازەک گەهشتییە نۆشدارییا داد یا ئاکرێ و پشتی دووڤچۆن و ڤەکۆلینان دیاربوو گەنجەکێ ب ناڤێ یاسر فایق محمد، ئاکنجیێ قەزا بەردەرەشە و ل دەمێ چوونا وی بۆ مەلەڤانییان د ئاڤا خازری دا ل مەندان خەندقییە.
بەرپرسی راگەهاندنا ساخلەمییا ئاکرێ خویا ژی کر، پشتی کو تەرمێ وی هاتییە دیتن رەوانەی نەخۆشخانەیا بەردەرەشێ کرینە و پاشان ڕەوانەی نۆشدارییا داد یا ئاکرێ کرینە و نها ژی تەرمێ وی رادەستی خێزانا وی کرینە.
