سهرۆكێ ههریما كوردستانێ ب ههلكهفتا 123 سالییا رۆژنامهگهرییا كوردى و 23 سالییا دامهزراندنا سهندیكا رۆژنامهڤانێن كوردستانێ، پیرۆزى ل رۆژنامهڤان و سهندیكا رۆژنامهڤانێن كوردستانێ كرن و راگههاند، پشتهڤانیهكا تهمام بۆ رۆژنامهڤانان و باوهریا نهگۆر ب ئازادییا رۆژنامهگهرى و رادهربرینێ وهكو بنهمایێ سهرهكى ههر جڤاكهكێ دیمۆكرات و ئازادیخواز دوپات دكهن.
نێچیرڤان بارزانى ب ههلكهفتا 123 سالییا رۆژا رۆژنامهگهرییا كوردى پهیامهك بهلاڤ كر و راگههاند، بهرههڤكرنا ژینهگهههكا ئارام و هاندهر بۆ رۆژنامهڤانان و گههشتنا وان ب ژێدهرێن زانیارییان و ڤهگوهاستنا وان دوور ژ ههر بهربهستهكێ، زامنه كو رۆژنامهگهرى بشێت ئهركێ خوه بۆ هشیاركرنا رایا گشتى و رۆلێ چاڤدێریێ ل سهر كارێ دامودهزگههان بكهت ب رهنگهكى كو ببیته ههڤپشكهكێ كاریگهر ل سهر پرۆسا ئاڤهدانكرنێ و پێشڤهبرنا دیمۆكراسیهتێ و جڤاكى.
نێچیرڤان بارزانى خۆشحالییا خوه ب بریارا پهرلهمانێ كوردستانێ دیار كو دوهى ب پتریا دهنگان رۆژا 22ی نیشانێ وهكو رۆژا رۆژنامهگهرییا كوردى دهستنیشانكرى، ب ڤێ ههلكهفتێ سلاڤان بۆ گیانێ میر میقداد مدحهت بهدرخان و ههموو رۆژنامهڤانان دهنێرن یێن ژیان و پیشهیا خوه خستیه د خزمهتا ئازادى و پێشكهفتنا گهلێ خوه دا و ژ پێخهمهت گههاندنا راستیێ و گهشهپێدانا رۆژنامهڤانیا كوردى گیانێ خوه كرییه قوربان.
سهرۆكێ ههرێما كوردستانێ گۆت ژى: ب چاڤێ رێزێ ل رۆلێ وان دهزگههـ و رێكخستنێن ناڤدهولهتى و ناڤخوهیى دنێرن یێن ب راستگۆیى و ئهمانهت چاڤدێرییا ئازادییا رۆژنامهگهرى و رادهربرینێ ل ههرێما كوردستانێ دكهن، راپۆرتێن وان ژى یێن هاریكار و رێنیشاندهرن بۆ ب هێزكرن و پاراستنا ئازادییان ب بلند دنرخینن.
