یروانت نیسان مارکۆس ئەمنیام، پەرلەمانتارێ بەرێ یێ پەرلەمانێ کوردستانێ و کەسایەتییێ ئەرمەنی ل پارێزگەها دهۆکێ تایبەت بۆ خانی نیوز گۆت، ئەو وەکی ئەرمەنییێن هەرێما کوردستانێ گەلەک ب بریارەکا گرنگ دبینن و ئەڤ پێنگاڤا سەرۆکێ ئەمریکا پێنگاڤەکا هەری باشە، و هەروەسا ئەڤێ بریارێ گرنگییا خوە هەیە بۆ هەمی ئەو مللەتێن کو زولم لێ هاتییە کرن و هەمی دێ دلخۆشبن ب ڤێ بریارێ.
یروانت نیسان گۆتژی، ئەگەر بابەتێ جینۆسایدێ ل جڤاتا ئێمناهییێ بریار ل سەر هاتەدان ل وی دەمێ دێ وەلاتێ تورکیا قەرەبوویا ئەرمەنییان بکەت و قەرەبوویێن ئەردی ژی دڤێت بکەت، و چەندین بابەتێن دی ژی دناڤ ڤێ بریارێ دا هەنە.
ناڤبری ئەو یەکژی دیارکر، ل هەرێما کوردستانێ نزیکی 1200 ئەرمەنیان هەنە و بەهرا پتر ل پارێزگەها دهۆکێ دژین کو هەژمارا وان ژی نزیکی 700 کەسانە وهەردیسان 4 دێرێن وان ل پارێزگەها دهۆکێ هەنە، و گۆتژی هاتنا وان بۆ هەرێمێ ڤەدگەریت بۆ پشتی جینۆسایدا ئەرمەنیان ل سالێن 1918 تا 1922.
