<h3 style="text-align: justify;"><span style="font-size: 18pt;">رێڤهبهرێ گشتییێ ساخلهمییا پارێزگهها دهۆكێ دیاركر: پلان هاتییه دانان ههتا دووماهییا سالا 2021ێ ب رێژا 20% وهلاتی ڤاكسینێ دژی كۆرۆنایێ وهربگرن و گۆت: ههتا ئهڤرۆ ل دهۆكێ 19 هزار و 500 كهسان ڤاكسین وهرگرتینه.</span></h3> <h3 style="text-align: justify;"><span style="font-size: 18pt;">د. ئهفراسیاب موسا، رێڤهبهرێ گشتییێ ساخلهمییا پارێزگهها دهۆكێ راگههاند كو: خهلكێ پارێزگهها دهۆكێ زۆر قهستا وهرگرتنا ڤاكسینێ دژى كۆرۆنایێ دكهن و ل گۆری حهزا خوە خهلك ناڤێن خوە تۆماردكهن و قهستا بنگههێن ڤاكسیندانێ دكهن ههتا ئهڤرۆ 24-4-2021ێ ل پارێزگهها دهۆكێ 19 هزار و 500 كهسان ل پارێزگهها دهۆكێ ڤاكسینێ دژێ كۆرۆنایێ وهرگرتینه ئهڤه رێژهكا گهلهك باشه بهرامبهر وێ رێژا ڤاكسینێ بوویە بەهرا پارێزگهها دهۆكێ.</span></h3> <h3 style="text-align: justify;"><span style="font-size: 18pt;">د. ئهفراسیاب موسا گۆتژى: ههتا ئهڤرۆ ب رێژا 99% ڤاكسینێ بووینه بههرا دهۆكێ ل سهر وهلاتییان هاتینه بهلاڤكرن وهكو پلان ههتا دووماهییا سالا 2021ێ دێ 20% ژ وهلاتییان ڤاكسینێ دژى كۆرۆنایێ وهربگرن.</span></h3> <h3 style="text-align: justify;"><span style="font-size: 18pt;">ڤیان عهباس، سەرۆکا لقێ دهۆک یا سهندیكا رۆژنامهڤانێن كوردستانێ دیاركر: ب ههلكهڤتا 123 سالیا رۆژنامهڤانیا كوردى ئهڤرۆ 24/4/2021ێ ل دهۆكێ ههوهكا ڤاكسیندانێ بۆ رۆژنامهڤانان هاته ئهنجامدان.</span></h3> <h3 style="text-align: justify;"><span style="font-size: 18pt;">سەرۆکا سهندیكا رۆژنامهڤانێن كوردستانێ ل دهۆكێ د كۆنگرهكێ رۆژنامهڤانیدا دیارکر كو: ئهڤرۆ ههوهكا ڤاكسێندانێ دژى ڤایرۆسێ كۆرۆنایێ بۆ رۆژنامهڤانێن پارێزگهها دهۆكێ هاته ئهنجامدان و تێدا هژمارهكا رۆژنامهڤانان ڤاكسینێ دژى كۆرۆنایێ وهرگرتن مهرهما مه ئهوه خهلك ژى قهستا ڤاكسیندانێ بكهن بۆ پاراستنا ژیانا خوە ژ مهترسییا كۆرۆنایێ.</span></h3>
