شڤێدێ شه‌مبی 24-4-2021 ل كۆمه‌لگه‌ها چره یا سه‌ر ب قه‌زا شێخان ژ شه‌ر دناڤبه‌ر مه‌لاكێن چره‌ی و جۆتیاران روودا و د ئه‌نجامدا ژنه‌كا خوه‌دان سێ زارۆكان هاته كوشتن.
ژێده‌ره‌ك ل كۆمه‌لگه‌ها چره‌ی بۆ خانی نیوز راگه‌هاند؛ پشتی ده‌ستپێكرنا شه‌ری؛ هێزه‌كا زۆر یا ئێمناهییێ گه‌هشتنه كۆمه‌لگه‌هێ و هه‌رزوو ئه‌و شه‌ر كۆنترۆلكر، لێ ژنه‌ك ب ناڤێ زینه مه‌جید كو ده‌یكا سێ زارۆكانه و ژ مالێن مه‌لاكانه هاتییه كوشتن.
هه‌مان ژیده‌ری گۆت ژی، هه‌تا نها نیزیكی 10 كه‌س ژ هه‌ردوو مالباتان ژ لایێ هێزێن ئێمناهییێ ڤه هاتینه ده‌سته‌سه‌ركرن و دیار نینه چ كوشتی و بریندارێن دی هه‌نه یانه.
پۆلیسیێن دهۆكێ راگه‌هاند: د شەرە تەقەکێ دا دناڤبەرا کۆمەکا جۆتیار و خودان مولکان دا ل کۆمەڵگەها چرەی یا سەر ب قەزا شێخان ڤە ژنەکا 30 ساڵی کو ب سەرەدان چووبوو ماڵا بابێ خوه بوویە قوربانی و گیانێ خوه ژدەست دایە، پۆلیس گەهشتینە جهێ شەری و ل سەرا ڤی تاوانێ هژمارەکا زۆر یا تۆمەتباران هاتینە گرتن و شەر هاتيیه كۆنترۆل كرن.
هه‌ژی گۆتنێ یه د ماوێ دوو سالێن بۆری دا بۆ جارا سێ یێ یه شه‌ر دناڤبه‌را هه‌ردوو ئالییان ل سه‌ر ئاریشه‌یێن زه‌ڤیێن چاندنێ روودده‌ت، پێشتر هه‌ر ب هه‌مان ئه‌گه‌ر شه‌ر هاتبوو روودان و حكومه‌تێ ژی ب بریاره‌كێ چاندنا ئه‌ردێ گوندێ چره‌ی بۆ ده‌ما دوو سالانه راوه‌ستاندیه
