كارهساتا ب ئێش و دلتهزین یا شهڤا بووری یا نهخۆشخانا ئیبن خهتیب یا تایبهت ب چارهسهركرنا نهخۆشێن كۆرۆنا ل بهغدا كو تێدا ب دههان كهسان گیانێ خوه ژ دهستدان و برینداربوون، ئهم ههموو ههژاندینه.
نێچیرڤان بارزانی د تمامییا پهیاما خوه دا سهرهخۆشی یێن خوه ئاراستهی خێزان و كهس و كارێن قوربانییان و ههموو گهلێ ئیراقێ كر و گۆت: ههڤسۆز و ههڤخهمه د گهل وان و داخواز ژ خودایێ مهزن دكهت گیانێ وان ب رهحما خوه شاد بكهت و داخوازا سلامهتییێ بۆ برینداران ژی خواست.
سهرۆكێ ههرێمێ دیار ژی كر، ههرێما كوردستانێ ئامادهیه ههموو هاریكاریێن پێدڤی دابین بكهت و نهخۆشخانهیێن وان د ئامادهنه ژ بۆ پێشوازیكرنا بریندارێن روویدانێ و پێشێكێشكرنا ههموو چاڤدێریێن نۆشداری یێن پێدڤی.
نێچیرڤان بارزانی گۆت ژی: پێدڤییه ئالیێن پهیوهندیدار ئهگهرێن ئاگرڤێكهفتنێ ئاشكهرا بكهن و لێكۆلینان ل دۆر كهمترخهمییان بكهن و ههروهسا رێكارێن سلامهتیێ بگرنه بهر داكو جارهكا دی روویدانێن دلتهزین ل چ جهێن وهلاتی رووینهدهن.
