وەزارەتا ساخلهمییا هەرێما کوردستانێ راگەهاند، كو پزیشک و کارمەندێن ساخلهمییێ ل ریزا پێشییێ دهێن بۆ وەرگرتنا ڤاکسینی کۆرۆنایێ و داخوازى ژ رێڤهبهرییا گشتییا ساخلهمییا پارێزگههان کرڤه، کارێن پێدڤى ئهنجام بدهن بۆ وەرگرتنا ڤاکسینى ژلایێ پزیشکانڤه و کارمەندێن ساخلهمییێ ڤه.
د نڤیسارهكێ دا كو ئیمزایا د. سامان بهرزنجى وهزیرێ ساخلهمییێ ل سهره و ئارهستهیى رێڤهبهرییا گشتییا ساخلهمییا پارێزگههان هاته كرن و ئاماژه ب هندێ ژى كرییه، پزیشكان و كارمهندێن ساخلهمییێ ل نهخۆشخانه و سهنتهران ل رێزا پێشیێ دهێن بۆ وهرگرتنا ڤاكسینى.
ئهو ژى دیاركرییه، كو كارێن پێدڤى ئهنجام بدهن ب دانانا میكانیزمهكا گونجایى بۆ وهرگرتنا ڤاكسینى ژلایێ پزیشكان و كارمهندێن ساخلهمییێ دگهل بهرچاڤكرنا سیستهمێ تۆماركرن و دابهشكرنێ.
