ئێراقێ هه‌موو گەشتێن ئه‌سمانی بۆ هندستانێ راگرت

وەزارەتا ڤه‌گۆهاستنا ئێراقێ راگەهاند، کۆمپانیا گشتی یا هێلا ئه‌سمانی یا ئێراقێ، هه‌ر ئه‌ڤرۆ سیشه‌مبى، هه‌موو گەشتێن ئه‌سمانیێن راستەوخۆ بۆ وه‌لاتێ هندستانێ هه‌تاکو ده‌مه‌كێ نه‌دیار راگرتن.
هه‌روه‌سا گۆتییه‌، بریارا هەلوەشاندن و راگرتنا گەشته‌یان بۆ وه‌لاتێ هندستانێ ل سەر بنەمایێ رێنمایێن جڤاتا وەزیران و دەستهه‌لاتا فرۆکەڤانییا مەدەنی بوویە، ئه‌ڤه‌ ژ ئه‌گه‌رێ مەترسییا ره‌وشا کۆرۆنایێ بوویه‌ ل وى وه‌لاتى، هه‌روه‌سا هێلا ئه‌سمانییا ئێراقی یا پابەندە ب هه‌موو وان بریارێن ژ ئالییێ بلند ڤه‌ دهێنه‌ دان.