پهرلهمانێ كوردستانێ ئهڤرۆ سهعهت 11 یێ سپێدێ دێ كۆمبیت و گۆتوبێژا كێشهیێن كێمئهندامان و رێزگرتن ل بههایێن ئاینی كهت.
ههدیا موراد، ئهنداما پهرلهمانێ كوردستانێ تایبهت بۆ خانی نیوز گۆت: پهرلهمانێ كوردستانێ ئهڤرۆ روونشتنا خوه یائاسایی یا ژماره 10 یا خۆلا بههارێ گرێدهت و ل گۆر كارنامهیا روونشتنێ، برگا ئێكێ پێكهاتییه ژ كیشهیێن زارۆكان و خودان پێدڤیێن تایبهت و خێزانێن وان ب ئامادهبوونا وهزیرا كاروبارێن كۆمهلایهتی.
بڕگا دوێ ژی كۆمبوونهكا ڤهكری یا ئهندامێن پهرلهمانێ ل سهر پاراستنا ئازادییا جڤاكی و رێزگرتن ل بههایێن پیرۆزێن ئاینی و كۆمهلایهتی و ئازادییا بنهرهتییا مرۆڤی كهن.
ههدیا موراد تاكه پهرلهمانتارا ئێزدی و ئهنداما لژنا پێكهاتهیان ل پهرلهمانێ كوردستانێ گۆت ژی: پێدڤییه رێز ل بههایێن پیرۆزێن ئاینی و بیروبووچوونێن جودا یێن ئاینان بهێت گرتن، لێ ل ههمبهر وێ یهكێ ژی رێز ل كهسانێن خوه ب ئازاد دبینن و ئازادیێن جڤاكی ژی بهێت گرتن.
