هه‌رسێ رۆژێن جه‌ژنێ قه‌ده‌غه‌یا ده‌ركه‌فتنێ دێ هێت راگه‌هاندن

په‌یڤدارێ حكومه‌تا هه‌رێما كوردستانێ راگه‌هاند، رێكارێن پێشتر یێن خوه‌پاراستنێ و خواندنێ ل وه‌رزاه‌رتا په‌روه‌ردێ و وه‌زاره‌تا خواندنا بلند دێ به‌رده‌وام بن و بریار هاتیه‌ دان سێ رۆژێن جه‌ژنێ قه‌ده‌غه‌یا ده‌ركه‌فتنێ بهێته‌ راگه‌هاندن.

د كۆمبوونا لژنا بلندا به‌رهنگاربوونا كۆرۆنایێ دا ب سه‌رپه‌رشتییا وه‌زیرێ نازخوه‌، هه‌لسه‌نگاندن بۆ ره‌وشا ساخله‌می و په‌روه‌ردێ و خواندنێ ل هه‌رێما كوردستانێ هاته كرن  و هه‌ردو وه‌زیرێن ساخله‌می و په‌روه‌ردێ راپۆرتێن خوه‌ پێشكێشكرن و كۆمه‌كا بریاران هاته‌ دان.

جۆتیار عادل، په‌یڤدارێ حكومه‌تا هه‌رێما كوردستانێ راگه‌هاند، بریار هاته‌ دان هه‌مان رێكارێن خوه‌پاراستنێ یێن پێدڤی بۆ خواندنێ ل هه‌ردو وه‌زاره‌تێن په‌روه‌رده‌ و خواندنا بلند دێ وه‌كو خوه‌ مینن.

جۆتیار عادل گۆت ژی: بریار هاتیه‌ دان هه‌رسێ رۆژێن جه‌ژنا ره‌مه‌زانێ قه‌ده‌غه‌یا ده‌ركه‌فتنێ ل سه‌رانسه‌ری هه‌رێما كوردستانێ بهێته‌ راگه‌هاندن بۆ پاراستنا ژیانا وه‌لاتییان.