فراکسیۆنا پارتی پشته‌ڤانییا پرۆژە قانوونا دادگه‌ها تاوانکارییا تاوانێن داعشێ دکەت

فراکسیۆنا پارتی ل پەرلەمانێ كوردستانێ ئه‌ڤرۆ راگەهاند، پشته‌ڤانییا پڕۆژە قانوونا دادگه‌ها تاوانکاریێ یا تایبەتمەند ب تاوانێن داعشێ ل  هەرێما کوردستانێ دکەین، یاكو جڤاتا وەزیرێن هەرێما کوردستانێ پەسه‌ند کرى.

پێشەوا هەورامانی په‌یڤدارێ فراکسیۆنا پارتی ل پەرلەمانێ کوردستانێ د راگه‌هاندنه‌كێ دا گۆتییه‌، پشتى جڤاتا وەزیرێن هەرێما کوردستانێ پرۆژە قانوونا دادگه‌ها تاوانکارییا تایبەتمەند ب تاوانێن داعشێ ل هەرێما کوردستانێ ب بەشدارییا تیمێ ڤه‌كۆلینا ناڤده‌وله‌تى بۆ لێپرسینێ ل تاوانێن داعشێ (یونیتاد) پەسەند کرى، ب مه‌ره‌ما ڤه‌كۆلینێ ل وان تاوانان، ئه‌م ژ فراکسیۆنا پارتی پشته‌ڤانییێ ل ڤى پرۆژەی دکەین، كو ب زووترین ده‌م بكه‌ڤیته‌ به‌رنامێ كارێ پەرلەمانى.