توركیا: ئۆپراسیونا سه‌ربازییا هه‌رێمێ 42چه‌كدارێن په‌كه‌كێ هاتنه‌ كوشتن

وه‌زاره‌تا به‌رگرییا توركیا راگه‌هاند، ئۆپه‌راسیۆنا سوپایێ وه‌لاتێ وان ل هه‌رێما كوردستانێ به‌رده‌وامه‌ و تا نها 42 چه‌كدارێن په‌كه‌كێ كوشتینه‌، په‌كه‌كێ ژى ژ ئالیێ خوه‌ڤه‌ راگه‌هاند، وان ژى 3 سه‌ربازێن تورك دناڤا سنۆرێن هه‌رێمێ كوشتینه‌.

وه‌زاره‌تا به‌رگرییا توركیا ئاشكرا ژى كر، هێزێن وان ل هه‌ردو ده‌ڤه‌رێن مەتینا و ئاڤاشین – باسیان به‌رده‌وام هێرشێن ئاسمانى بۆ سه‌ر پێكه‌هێن په‌كه‌كێ دده‌ن، ل ده‌ستپێكا ئوپراسیونێ تا نها 24 چه‌كدارێن په‌كه‌كێ كوشتینه‌.

ژ ئالیێ خوه‌ڤه‌ راگه‌هاندنا پارتییا كاركه‌رێن كوردستانێ په‌كه‌كێ راگه‌هاند، د شه‌ر و په‌ڤچوونێن وان د گه‌ل سوپایێ توركیا دا ل ناڤا سنۆرێن هه‌رێما كوردستانێ، سێ سه‌ربازێن تورك هاتینه‌ كوشتن، كوشتنا 24 گه‌ریلایێن خوه‌ ژى پشتراست نه‌كرییه‌.