تۆپبارانکرنا گوندێ کێستە به‌رده‌وامه‌

د بەردەوامیا شەر و پەڤچوونێن دناڤبەرا تورکیا  و چه‌كدارێن پەکەکێ دا، گوندێ کێستە  ل دەڤەرا بەرواری بالا ل سنورێ ناحیا کانی ماسێ به‌رده‌وام دهێتە تۆپبارانکرن .

مەحمود کێستەی، موختارێ گوندێ کێستە بۆ خانی نیوز راگەهاند،  شڤێدى شه‌ڤا پێنجشه‌مبى ل سه‌ر ئه‌ینى شەش جاران زنارا کێستە ژلایێ سوپایێ تورکیا ڤە هاتیە تۆپبارانکرن و تا نوکە توپباران بەردەوامە.

موختارێ گوندێ کێستە دیار ژی کر،  نها ئه‌و زیانێن وێ تۆپبارانێ  نزانن، لێ تۆپباران ل نێزیکی گوندێ کێستەیە و کێمتر دو كیلۆمه‌تران پشتا گوندی دهێتە تۆپبارانکرن و  ترسه‌كا مەزن بۆ خەلکێ گوندی چێبوویه‌.

گوندێ کێستە دکەڤیتە سنۆرێ ناحیا کانی ماسێ و نێزیکی 20 مالان تێدا د ئاکنجینە، ب به‌هانه‌یا هەبوونا بنگەهـ و بارەگایێن گەریلایێن پارتیا كاركه‌رێن کوردستانێ پەکەکێ، بەردەوام ژلایێ سوپایێ تورکیا و فرۆکەیێن  شەرکەر دهێنە بۆمبەباران وتۆپباران كرن.

خانى نیوز؛ هەیوار ستار