ئیران قه‌رێن خوه‌ ژ ئیراقێ دخوازیت

کۆمارا ئیسلامی یا ئیرانێ داخوازا قەرێن خوە یێن غازا سروشتی ژ حکومەتا ئیراقێ دکەت.

ماجد حەنتۆش، وەزیرێ کارەبا ئیراقێ و بێژەن زەنگەنە، وەزیرێ وزەیا ئیرانێ ل تەھرانا پایتەختێ ئیرانێ کۆمبوون.

کۆمبوون ب مەبەستا گۆتۆبێژکرنێ بۆ دەربارەی بەردەوامیدان ب ھنارتنا غازا سروستی ژلایێ ئیرانێ ڤە بۆ ئیراقێ کو حکومەتا ئیراقێ بۆ دابینکرنا کارەبێ پشتبەستنێ ل سەردکەت.

ژلایێ خوەڤە بێژەن زەنگەنە راگەھاند؛ د چەند سالێن بووری دا وەلاتێ وی ٢٧ ملیار مەترێن سێجا یێن غازا سروشتی ھناردەی ئیراقێ کرینە و ب فەرمی ژی داخواز ژ ئیراقێ کرییە بھایێ غازا سروشتی یا وەلاتێ وی بدەت کو وەک قەر ماینە ل سەر.