سەرۆكێ رژێما سووریێ بەرى هەلبژارتنان لێبۆرینا گشتی دەركر

سەرۆكێ رژێما سووریێ د سەروبەندێ ئەنجامدانا هەلبژارتنێن سەرۆكاتییا وى وه‌لاتى دا لێبۆرینه‌كا گشتی دەركر.

بریارابەشار ئەسەدێ چەندین ئاستێن تاوانباران ڤه‌دگریت، ژ تاوانێن بچووك هه‌تا یێن مه‌زن، هنده‌ك ژ وان تاوانباران ژى ڤه‌دگریت یێن كو سڤكاتى ب سەروەرییا سووریێ كرین و ل دووڤ قانوونا وى وه‌لاتى، هەروەسا ئەوێن بازرگانی ب مادێن هشبەر كرین، سەرباری ئازادكرنا ب كارهێنەرێن مادێن هشبەر.

ل دووڤ لێبۆرینا بەشار ئەسەدى، پشكه‌ك ژ وان تاوانبارێن مافێ دارایی یێ دەوله‌تێ ماینه‌ ل سەر، دڤێت د ده‌مه‌كێ دیاركرى دا وان مافێن دارایی بۆ دەوله‌تێ ڤه‌گه‌رینن.

هەروەسا وێ لێبۆرینێ چەندین سزایێن سێدارەدانێ ژى ڤه‌گرتینه‌ ب كێمكرنا سزایان بۆ زیندانكرنا هه‌تاهەتایێ.