ئامێدیێ.. سێ تۆمەتبار هاتنە گرتن

پشتی د چەند رۆژین بووری دا دناڤ بازارێن  قەزا ئامێدیێ دا چەند دۆلارێ سەختە هاتیە فرۆتن و دزی ژ مارکێتەکێ ل ناحیا سەرسنکێ ب کۆژمەکێ پارەی هاتیە کرن، ئەڤرۆ سێ تۆمەتبار هاتنە دەستەسەرکرن .

موقدم هێمن سلێمان، بەرپرسێ راگەهاندنا پۆلیسێن پارێزگەها دهۆکێ بۆ خانی نیوز راگەهاند، سێ تۆمەتبار ل سنۆرێ قەزا ئامێدیێ هاتنە دەستەسەرکرن، دو تۆمەتبارێن ژ وان دۆلارێ سەختە د ناڤا بازارێن قەزا ئامێدیێ دا به‌لاڤ كرییه‌، ژلایێ نڤێسینگەها شێلادزێ یا نەهێلانا گونەهباریان ڤە هەردو تۆمەتبار هاتنە گرتن و ل دووڤ بەندێ (281)ژ قانوونا سزایان ڤەکۆلین دێ دگەل دا دهێتە کرن .
 
موقدم هێمن سلێمان دیارکر ژی، پشتی کۆژمەکێ پارەیی ژ مارکێتەکێ ل ناحیا سەرسنکێ هاتیە دزین ئەو تۆمەتبار ژی هاتە دەستەسەرکرن و ژلایێ نڤێسینگەها نەهێلانا گونەهباریا سەرسنک ل دووڤ بەندێ (443) ژ قانوونا سزای .

خانى نیوز، هەیوار ستار