ژئهگهرێ راگههاندنا قهدهغهیا دهركهفتنێ ل سهرانسهرى توركیا و باكورێ كوردستانێ، پشكهكا مهزن یا دوكاندار، كاسپكار و كرێكاران كارێ خوه ژدهست دایه و بێكار ماینه.
میدیایێن توركیا بهحس ل رێژا بێكاریێ ل ئامهدا باكورێ كوردستانێ كریه، بێكارى ل وى باژێرێ كوردستانێ گههشتیه ئاستهكێ ب ترس.
ب بۆچوونا كهسهكێ ناڤێ وى ئهحمهد یێ بۆ میدیایێ بهحس ل خرابیا رهوشا وهلاتیان كرى و گۆت، دو ساله ژئهگهرێ گهرنتینێ، رهوشا ئابووریا وان گهلهك خراب بوویه، نهشێن پاریێ ژیانا خوه دابین بكهن.
ل دووڤ زانیاریان، رێژا بێكاریێ ل ل ئامهدێ گهلهك بلندبوویه، حكومهتێ ژى چ بزاڤ بۆ چارهسهركرنا وێ ئاریشێ نهكرینه، ژبهر وێ یهكێ پتریا گهنجان بهر ب باژێرێ ئهنتالیا و ستهنبۆلێ دچن بۆ دیتنا دهلیڤێن كارى.
ل دوماهیا ههیڤا نیسانا ئهڤساله، رەجەب تەییب ئەردۆغان سەرکكۆماری تورکیا ژ ئهگهرێ زێدهبوونا ژمارا تووشبوویان ب ڤایروسێ كۆرۆنایێ، قهدهغهیا دهركهفتنێ یا سهرانسهرى ل 29ى ههیڤا 4 تا 17ى 5ى 2021، ل باكورێ كوردستانێ و توركیا راگههاند.
