نێچیرڤان بارزانی دێ سه‌ره‌دانا ئیماراتێ كه‌ت

سه‌رۆكێ هه‌رێما كوردستانێ ل ده‌مه‌كێ نێزیك ل دووڤ داخوازا محه‌مه‌د بن زاید ئال نه‌هيان، تاجپارێزێ ئه‌بوزه‌بی دێ سه‌ره‌دانا ئیماراتا عه‌ره‌بى كه‌ت.

نێچیرڤان بارزانی، سه‌رۆكێ هه‌رێما كوردستانێ، ئه‌ڤرۆ پێشوازی ل ئه‌حمه‌د ئیبراهیم ئه‌لزاری، كونسلێ گشتیی ئیماراتا عه‌ره‌بى ل هه‌ولێرێ كر و چه‌ندین بابه‌تێن ئابوورى و بازرگانى و هه‌لبژارتنێن بهێن یێن ئیراقێ گۆتۆبێژكرن.

كونسلێ گشتیێ ئیماراتێ داخوازنامه‌یا شێخ محه‌مه‌د بن زاید ئال نه‌هيان، تاجپارێزێ ئه‌بوزه‌بی و جێگرێ فه‌رمانداریا بلند یا هێزێن چه‌كدار، راده‌ستی نێچیرڤان بارزانی كر و تێدا دیاركریه‌ سه‌ره‌دانا ئیماراتێ بكه‌ت.

نێچیرڤان بارزانی دیاركر، ل ده‌مه‌كێ نێزیك دێ سه‌ره‌دانا ئیماراتێ كه‌ت و دێ دگه‌ل به‌رپرسێن وى وه‌لاتى كۆمبیت.