هه‌وا ڤاكسیندانێ بۆ مامۆستایێن ئایینی ده‌ستپێكر

ل بنگه‌هێ ساخله‌میێ یێ نزاركێ ئه‌ڤرۆ پشكه‌ك ژ مامۆستایێن ئایینی یێن موسلمان و مه‌سیحی و ئێزیدی یێن پارێزگه‌ها دهۆكێ ڤاكسینێ دژی كۆرۆنایێ وه‌رگرت.

شڤان سه‌عید، به‌رپرسێ راگه‌هاندنا رێڤه‌به‌ریا گشتییا ئه‌وقاف و كارۆبارێن ئایینی ل پارێزگه‌ها دهۆكێ بۆ خانی نیوز راگه‌هاند، وه‌ك ئه‌ركه‌كێ ئایینی و مرۆڤاتى  ئه‌ڤرۆ هه‌وه‌كا ڤاكسیندانێ بۆ مامۆستایێن ئایینی هاته‌ رێكخستن ژ بۆ وێ چه‌ندێ خه‌لكى هانده‌ن بۆ وه‌رگرتنا ڤاكسینێ دژی كۆرۆنایێ.

ئاماژه‌ب هندێ ژى كر، ئه‌ڤ هه‌وا ڤاكسیندانێ ل قه‌زا دهۆكێ ده‌ستپێكر و دێ ل قه‌زایێن دی ژی ده‌ستپێكه‌ت، گۆت ژی، دگه‌ل هاتنا ڤایرۆسێ كۆرۆنایێ و تا نها مامۆستایێن ئایینی رۆله‌كێ به‌رچاڤ هه‌بوویه‌ د هاندانا خه‌لكی دا بۆ پاراستنا ژ ڤی ڤایرۆسێ كۆژه‌ك.

خانی نیوز، سه‌عد عاسف