سەرۆك مەسعود بارزانی، ئەڤرۆ رۆژا شەمبی ل سەلاحەدین پێشوازی ل شاندێ شێخ و سەرۆك هۆزێن دەڤەرا فوراتا ناڤەڕاست كر، كو پێكهاتبوو ژ مونزر ئەلمیالی، عەمیدێ سادە ئەمیال و شێخ ئەمیر سائیر ئەلموتلەك ئەمیری ئیمارەتا زبێد و شێخ حەسەن جەواد عەباسی و شێخ حەكیم میری شێخێ هۆزا ئال شبل و شێخ سائیر جفات شەعلان و شێخ ئەمیر موسەننا ئال حاتم ئەلحەسەن و شێخ ئەحمەد عەبدولغانم ئەلشمران ئەلفەتلاوی و شێخ مەیسەم سەهل نەجم شێخێ هۆزا ئەلزرفات کر.
د دیدارێ دا شاندێ مێھڤان بەحسێ پەیوەندیێن دیرۆكى یێن دناڤبەرا بارزانیێ نەمر و كەسایەتی و شێخ و سەرۆکھوزێن ئیراقێ و ستاییشا رۆلێ سەرۆك بارزانی د دوبارە ئاڤەدانکرنا ئیراقێ و هەروەسا ئەو ئاڤەدانی و پێشكەفتنێ کر كو ل كوردستان هاتییە ئاڤەدانکرن.
