نوونهرێ ھهردو وهزارهتێن پێشمهرگههـ و ناڤخوه ل ژوورا ئۆپهراسیۆنا ههڤپشك یا ئیراقێ راگههاند، بریاره پشتى جهژنا رهمهزانێ ههولێر و بهغدا دهست ب رێككهفتنێ ل دهڤهرێن كوردستانى یێن دهرڤهى ئیدارا ههرێمێ بكهن.
عهبدولخالق تهلعهت، نوونهرێ وهزارهتێن پێشمهرگه و ناڤخوه ل ژوورا ئۆپهراسیۆنا ههڤپشك یا ئیراقێ ئهڤرۆ رۆژا شهمبى راگههاند، دهێته چاڤهرێكرن شاندهكێ حكومهتا ھهرێما كوردستانێ سهرهدانا بهغدا بكهت و بریاره پشتى جهژنا رهمهزانێ رێككهفتنێ ل دۆر دهڤهرێن كوردستانى یێن دهرڤه ئیدارا ههرێمێ بكهن.
عهبدولخالق تهلعهت گۆت، چار ژوور دروست كرینه و جهـ و ھهموو پێدڤى ئامادهكرینه، ب تنێ بریار ل سهر مایه ل دهڤهرا دیالا و كهركووك و سحێلا و مهخموور، پشتى لیوا ههڤپشك یا پێشمهرگه و سوپا دهێته دروست كرن دا وێ دهڤهرێ بپارێزن.
نوونهرێ وهزارهتا پێشمهرگههـ و ناڤخوه دیار ژى كر، رهوشا ئهوان دهڤهران ب ئهگهرێ لڤینا داعش گهلهكا خرابه و رۆژانه داعش ل ڤان جهان هێرشێ دكهت، پێدڤیه چارهسهری و ئارامى ل ئهوان دهڤهران ههبیت و رێگری ل زێدهبوونا داعش و لڤینا وان بكهن.
