<h3 style="text-align: justify;"><span style="font-size: 18pt;">میدیایێن ئه‌مریكى ئاشكراكر، ئێكه‌تی یا نشتیمانی یا كوردستانێ د ئۆپه‌راسیۆنا كوشتنا قاسم سوله‌یمانی و ئه‌بو مه‌هدی موهه‌ندس دا پشكداربوو.</span></h3> <h3 style="text-align: justify;"><span style="font-size: 18pt;">ل گۆره‌ى راپۆرته‌كا یاهۆ نیوز یا ئه‌مریكى، ئه‌ندامه‌كێ دژه‌تیرۆرا ئێكه‌تییا نشتیمانییا كوردستانێ، سی تی جی د ئۆپه‌راسیۆنا كۆشتنا قاسم سولەیمانی، فەرماندارێ فەیلەقا قۆدس یا پاسدارین ئیرانێ و ئه‌بۆ موهه‌ندس، هاریكارێ سه‌رۆكێ حه‌شدا شه‌عبى پشكداربوویه كو ل ده‌ستپێكا سالا 2020 ێ ل فرۆكخانا به‌غدا هاتنه كوشتن، ده‌مێ قاسم سۆله‌یمانى ل فرۆكخانا به‌غدا هاتییه خوار، ئه‌ندامه‌كێ دژه تیرۆرا ئێكه‌تییێ خوه وه‌ك كارمه‌ندێن ڤه‌گۆهاستنا جانتان نیشاندابوو، ل نێزیك خوه پشتراستكرییه كۆ ئه‌و كه‌سه قاسم سۆله‌یمانى یه و ئێكه‌تیێ رۆله‌كێ سه‌ره‌كی د كوشتنا وان دا هه‌بوو.</span></h3> <h3 style="text-align: justify;"><span style="font-size: 18pt;">ئۆپه‌راسیۆنا كوشتنا قاسم سوله‌یمانی و ئه‌بومه‌هدی موهه‌ندس ب رێكا سێ تیمێن تایبه‌ت یێن ئه‌مریكى كو ب هێزێن ده‌لتا دهاتنه نیاسین هاته كرن. ئه‌ندامێن وێ ژی خوه ب كارمه‌ندێن فرۆكخانێ دابوونه نیاسین و ل نێزیكى وێ جادێ یا سۆله‌یمانى لێ هاتییه كوشتن هاتبوونه بنه‌جهـكرن. </span></h3> <h3 style="text-align: justify;"><span style="font-size: 18pt;">دیار ژی كرییه، ل ده‌مێ ئۆپه‌راسیۆنێ وان گۆتییه حكومه‌تا ئیراقێ كو دێ ئالییێ باشوورێ رۆژهه‌لاتێ فرۆكخانێ گرن ژبه‌ر مه‌شقه‌كا سه‌ربازى یا ئه‌مریكا، پاشان سێ نیشانشكێن ب دوورییا 550 بۆ 850 مه‌تران ل جهێ كوشتنا سوله‌یمانى هاتبوونه بنه‌جهكرن و ب رێیا دووربینا ئێك ژ نیشانشكێنان ب كامیرێ ئاگه‌هدارى لڤینان د بوون.</span></h3>
