بریارا داخستنا 30 كه‌نالان هاتیه‌ دان

رێڤه‌به‌رێ راگه‌هاندن و چاپ و به‌لاڤكرنێ ب وه‌كاله‌ت راگه‌هاند، ب چ ره‌نگان نابیت كه‌نالێن بێ مۆله‌ت به‌خشێ خوه‌ بكه‌ن و بریارا داخستنا 30 كه‌نالێن لۆكال هاتیه‌ دان.

ئه‌یاد نه‌قیب خان ئاڤده‌ل راگه‌هاند، ل دووڤ رێنمایێن وه‌زاره‌تا ره‌وشه‌نبیرى و لاوان ژماره‌ 1 یا سالا 2014 و ل دووڤ ماددێ پێنج فه‌قه‌را ئێك برگا پێنج خالا دووێ دا دیار كرییه‌ كو ب چ ره‌نگه‌كى نابیت چ كه‌نال بێ مۆله‌ت كاربكه‌ن.

 ئاشكرا ژى كر، پێدڤییه‌ په‌خشێ كه‌نالێن وان بهێنه‌ راوه‌ستاندن هه‌تا مۆله‌تێن قانوونى ته‌مام بكه‌ن، به‌رۆڤاژى وێ یه‌كێ دێ رێكارێن قانوونى دگه‌ل  دا هێته‌ وه‌رگرتن و كه‌نال دێ یێ به‌رپرسیار بیت ژ هه‌ر پێرابوونه‌كێ.