مه‌سروور بارزانى داخوازیه‌ك ژ جێگرا سه‌رۆكوه‌زیرێن به‌لجیكا كر

سه‌رۆكێ حكومه‌تا هه‌رێما كوردستانێ، ئه‌ڤرۆ دوشه‌مبى په‌یوه‌ندییه‌كا تێله‌فۆنى ژلایێ جێگرا سه‌رۆكوه‌زیران و وه‌زیرا ده‌رڤه‌یا به‌لچیكا گه‌هشتێ.

مه‌سروور بارزانى و سۆفى ویلمز ئاریشه‌ و ئاسته‌نگێن ئێمناهیێ ل هه‌رێما كوردستانێ و ئیراقێ و ده‌ڤه‌رێ گۆتوبێژكرن، هه‌ردو ئالى ژى ل سه‌ر گرنگییا به‌رده‌وامبوونا په‌یوه‌ندى و هه‌ماهه‌نگیی بۆ وان بابه‌تێن جهێ پیته‌پێدانا هه‌ردوو لایان هه‌ڤرابوون.

سۆفى ویلمز، جێگرا سه‌رۆكوه‌زیرێن به‌لجیكا، سه‌رخۆشییا خوه‌ گه‌هانده‌ مه‌سروور بارزانى ژبه‌ر شه‌هیدبوونا هه‌ژماره‌كا پێشمه‌رگه‌یان د هێرشا ڤێ داویێ یا تیرۆرستێن داعشێ بۆ سه‌ر سه‌نگه‌رێن پێشمه‌رگه‌ى، مه‌سروور بارزانى ژى سوپاسییا هه‌لویستێ حكومه‌تا به‌لجیكا كر بۆ شه‌مزاركرنا هێرشێن ڤێ داویێ بۆ سه‌ر هه‌ولێرێ.

سەرۆکێ حکومەتێ داخواز ژ جێگرا سه‌رۆكوه‌زیرێن به‌لچیكا كر، ب رێكا ئێكه‌تییا ئه‌ورۆپا هه‌ڤكارییا په‌نابه‌ر و ئاواره‌یێن ئاكنجیێن هه‌رێما كوردستانێ بكه‌ن، ب تایبه‌ت كو شیانێن هه‌رێما كوردستانێ د ڤى باری دا د سنۆردارن.